O blogue da biblioteca do CPI da Ribeira

Popplet: presentacións online

Hoxe presentamos unha das moitas ferramentas dixitais que poden axudarnos nas nosas clases, especialmente nos grupos Abalar (pero non só): a ferramenta de presentacións Popplet. É parecida a Prezi pero máis sinxela e menos confusa. Sirve para crear unha especie de diapositivas, tipo Powerpoint, incluindo nelas texto, fotos, vídeos, enlaces... pero ademais pódese facer entre varias persoas, polo que nos parece ideal para clase. Tamén se pode usar como taboleiro virtual de notas multimedia (como no exemplo embaixo).
Os murais poden inserirse nun blogue, podemos dar o seu enlace ou podemos gardalos coma PDF ou JPG. 
Aínda está en probas, e podería ser mellor, pero polo momento pinta moi ben e seica teñen pensado facer unha versión para profes. Hai que rexistrarse na súa web, pero para facelo non fai falla máis que un enderezo de correo (que pode ser inventado). Velaiquí un exemplo que fixemos para probar:



E aquí o enlace para velo nunha ventana aparte.


Un problema que lle vemos ó programa (polo momento) é que non hai xeito de darlle a alguén un enlace para o modo de presentación: só se ve (coma no exemplo que tedes arriba) o mural completo pero non avanza só nin coas flechas nin con nada (iso só podemos facelo nós como creadores da presentación). Por outra banda, unha vez que estamos no modo presentación necesitamos o teclado para avanzar de diapositiva en diapositiva (que é máis incómodo de usar nos encerados dixitais). E outro "problema" é que está en inglés ;-)

Seguiremos informando sobre novas ferramentas!

Escola sen libros

Concurso de traballos escolares

esdelibro.es convoca un concurso de traballos de investigación para escolares que non pinta nada mal. Deben estar coordinados por profes e hai de prazo ata o 7 de febreiro para inscribirse.
Tedes toda a información na súa web.

Titorial de Glogster: murais online

Glogster é unha ferramenta que xa leva algún tempo funcionando. Permítenos facer posters ou murais interactivos para colgar en internet. A diferencia dos murais que colgamos nas nosas paredes, nestes podemos introducir tamén audio, vídeo e enlaces www.
Para usalo non precisamos instalar nada no ordenador, pero si darnos de alta na súa web. Hai dous tipos de conta: a normal e a de profes. Se eleximos a de profes poderemos dar de alta ata 200 alumn@s para que el@s tamén podan facer os seus glogsters, pero só na opción de pago. O que diferencia a conta de profe gratuita da normal é que tódolos murais que fagas son privados e ninguén os pode ver se non lles das o enderezo ti. O teu alumnado pode darse de alta en Glogster con calquera das dúas contas, e só precisa un enderezo de correo electrónico.
A pega, en calqueira dos casos, é que Glogster está só en inglés.
Deixámosvos un titorial feito por Marisa de Dios (EOI de Valencia) e os enlaces a Glogster (o normal) e edu.glogster (o de profes):



TRUCO importante: Glogster NON permite escribir caracteres acentuados. Para incluir acentos, tes que escribir o texto fóra de Glogster (en calqueira programa de edición de textos), copialo e pegalo no teu mural Glogster coa fonte Arial.
Se tedes dúbidas, xa sabedes onde estamos!

Ferramentas para o profe 2.0

No blogue de Xarxatic atopamos unha listaxe das 10 ferramentas imprescindibles para o docente do presente (segundo o C4LPT) xunto coas súas descricións, manuais, titoriais, etc. Unha entrada moi valiosa para aprender que son e como usalas. As ferramentas son:

  1. Twitter
  2. YouTube
  3. GoogleDocs
  4. Skype
  5. WordPress
  6. Dropbox
  7. Prezi
  8. Moodle
  9. Slideshare
  10. EDU Glogster
Nos próximos días publicaremos unha entrada sobre Glogster e unha introducción a Popplet, asi que estade atentos.
Mentras tanto, recomendamos que leades esa entrada e visitedes tamén un novo enlace do menú lateral: Jaque al profe 1.0, o blogue que todo profe 2.0 debería seguir (e outro día falaremos do profe 3.0, que xa está aquí... seica!).

Webdoc: murais multimedia online

Hai varias ferramentas para facer murais (ou posters) multimedia en internet. Neses murais podemos poñer texto e fotos, coma nos que poñemos na parede, pero tamén enlaces, vídeos, música... En próximas datas falaremos de Glogster, a web máis coñecida para facelos, pero hoxe queremos falar do que nos parece o máis completo e máis fácil de todos: webdoc.

A mellor introducción é ver un exemplo que ten un pouco de todo para que vexades as opcións que ofrece. Facendo clic nos elementos podemos ver o vídeo, navegar na web da Xunta, ver o collage de fotos, escoitar unha canción...




Como veredes, é unha gran ferramenta para ir metendo cousas que atopamos por internet e/ou subir os nosos propios contidos. E para que? Pois para darlle información ó alumnado (en vez dunha fotocopia), poñerlles traballo individual/en grupo (o feito de que se poidan facer comentarios sobre o mural ou compartilo cun grupo limitado de persoas facilita a labor), facer presentacións, ou para que eles fagan traballos un pouquiño máis interesantes que as clásicas presentacións de diapositivas.
O uso é moi sinxelo e en seguida estaremos creando murais moito máis bonitos e interesantes que o de exemplo :-) e, ademais, moi rápido.
As únicas desventaxas que ten con respecto a Glogster é que Webdoc non ten unha galería de debuxos para adornar o noso mural coma ten o outro, nin é posible editar un mural unha vez publicado, pero esperemos que sigan mellorándo, xa que polo momento está en fase de probas (beta). Por outra banda, e ó seu favor, si permite escribir caracteres acentuados (mentras que Glogster non).
Tedes aquí un pequeno titorial en vídeo, pero de verdade que vos aconsellamos que abrades unha conta e empecedes a fuchicar.

Educatube

Engadido un novo enlace ó listado que está na columna da dereita: educatube.es un portal con vídeos educativos de todo tipo e tódalas materias.


Día dos Dereitos Humanos

O 10 de decembro celébrase a aprobación da Declaración universal dos dereitos humanos.
Se queredes traballala na aula, aquí tedes materiais (se non o vedes ben, ide a este enlace):


Día da Constitución

Para traballares ese día na aula, aquí tedes materiais (se non o vedes ben, tédelo aquí):




Un arma cargada de futuro

La poesía en las aulas, un artículo de El tiramilla.

Related Posts Plugin for WordPress, Blogger...