profes que len

O sindicato STEG vén de publicar, como cada ano, unidades didácticas sobre o Día Internacional da Muller:


 - unidade para secundaria
 - unidade para infantil e primaria

Por outra banda, na biblioteca estamos a traballar e a preparar unha expo sobre as mulleres no mundo da música, do mesmo xeito que o ano pasado falamos de pintoras e escultoras. Se vos interesa o tema, velaquí varios enlaces moi bos:

 - CEIP de Palmeira (Alma Mahler, Clara Schumann, Hildegard von Bingen, Mercedes Peón, Victoria de los Ángeles)

 -  Compositoras ó longo da historia (IES Gómez Quintana)

 - Varios enlaces interesantes en culturagalega.org

 - Vídeo Feminismo y música (RTVE):

• A la carta
• > Televisión
• > La 2
• > UNED
• > UNED - Feminismo y Música 
•  

Contamos tamén cunha exposición fantástica sobre Hipatia que nos trouxo a profe Mar Cuba.

O STEG ten tamén un calendario do 2012 boísimo titulado "Tempo de mulleres. Mulleres no tempo" do que vos amosamos a folla do mes de marzo:

Dende xa están dispoñibles na biblioteca dous exemplares (primaria e secundaria) do xogo Graduado. É un trivial elaborado (por profesorado valencián) con preguntas sobre os temarios da educación obrigatoria. Para cada nivel hai un grupo de tarxetas distinto, polo que poderíamos xogar con rapaces de varios niveis simultaneamente.

O xogo é un clásico xogo de mesa co seu taboleiro, dados, fichas, etc. Peeeero hai tamén un taboleiro dixital gratuito que se pode descargar e instalar no ordenador para xogar todos xuntos en clase (por exemplo en catro grupos grandes). Podes descargalo e probalo aquí.

Para facervos unha idea do xogo, podedes xogar unha demo en internet.

Web do xogo con máis información.

Gracias ó chivatazo de María, avisámosvos que ata o 20 de abril podemos presentarnos ó concurso de blogues educativos VI Premio Espiral Edublogs. Dentro do concurso hai varias categorías: blogues de profes, de alumnado, de asociacións de pais, de centros, de bibliotecas... A condición principal é que teñan "un marcado carácter pedagóxico, didáctico ou educativo". Tedes as bases aquí, e xa que estamos imos presentarvos algúns dos primeiros premios do ano pasado:


- Blogues de alumnos/as: Aula Oberta
- Blogues colectivos: Poemario colectivo "Poesía eres tú"
- Blogues de biblios escolares: Biblioteca Viva
- Blogues de centro: Our English blog
- Blogues de profes: Recursos para a educación especial

Non cabe dúbida de que as forzas de seguridade teñen como misión protexer a cidadanía. Pero ás veces parece que perden o norte...

El Roto

Por dicilo dun xeito máis poético, imos recurrir a Rafael Alberti:

Tal día como hoxe, fai 31 anos, a BBC informou de que un home vestido de toreiro entrara, pistola en man, no Congreso. Neste enlace tedes un documento con entrevistas a algúns protagonistas do que ocurriu ese día no Congreso e na televisión: ó director xeral de RTVE da época, o xefe de informativos, o diputado Eduard Punset e algúns periodistas.

Aquí tedes unha web que nos pregunta que facíamos nós no momento do golpe de estado, na que os internautas van contando (como se na época houbese Twitteres ou Facebooks) minuto a minuto o que pensaron, o que viron, o que viviron. Interesante como curiosidade.

E para os adictos ás conspiranoias, un artigo (bastante suave) sobre as incógnitas do golpe.

A coordinadora galega de equipos de normalización ten publicados un montón de recursos sobre o entroido na súa web. Non deixedes de visitalos!

A Xunta fará hoxe mércores unha homenaxe a Isaac Díaz Pardo na biblioteca da Cidade da Cultura (á que algúns queren poñer o nome do galeguista).
(Na súa web non indican a hora, pero igual buscando por aí...)

A modo de homenaxe, incluímos un brevísimo percorrido pola obra gráfica de Díaz Pardo:

"O concerto de zanfona", 1946

"A barca de Caronte", 1955

"Recollendo mortos", 1955

"Xente alporizada", 1964

"Xentes que van a combater aos zorros", 1973