profes que len

 O mércores 21 de marzo é o Día Mundial da Poesía.

Para aqueles que queiran traballar a poesía galega, Fran Alonso ten publicado unha antoloxía pensada para aqueles ós que non lles gusta a poesía: Poetízate.
Neste enlace da súa páxina tedes varios recursos (unidades didácticas, vídeos...) para traballar ese material na aula, incluíndo os seus 5 motivos para ler poesía que publicou co gallo do Día da Poesía de 2007.

 Non esquezades que este ano cúmprese o centenario do nacemento de Celso Emilio Ferreiro, e temos varios libros del na biblio. Volvemos achegar o enlace á fundación que leva o seu nome.

 Por outra banda, xa hai varias recomendacións de poesía no noso blogue. Non volas perdades!

A editorial Xerais acaba de publicar un novo libro sobre Valentín Paz Andrade, a quen se lle adica o Día das Letras Galegas este ano.
Da man de Charo Portela e das ilustracións de Jaime Asensi, este libro relata de forma amena e detallada a vida de Valentín Paz Andrade. As súas actividades como avogado, empresario, especialista en temas pesqueiros, político, poeta ou xornalista son presentadas por medio de documentos, fotografías e unha completa cronoloxía, xunto cunha antoloxía da súa obra.


PORTELA YÁÑEZ, Charo. Valentín Paz Andrade. Biografía e antoloxía. Vigo: Edicións Xerais de Galicia, 2012. ISBN 978-84-9914-331-6. Colección Merlín.

Foto de Peter Morgan

Moitas veces ocorre que necesitamos unha imaxe para ilustrar algo nas nosas clases ou nos materiais que empregamos, non si? A solución fácil é acudir a Google Imaxes e buscar a ver se hai sorte. Outra opción é ir a flickr.com e realizar tamén unha búsqueda. Nos dous casos recomendamos que busquedes e usedes imaxes con licencia Creative Commons (de uso gratuito) e mencionando sempre a autoría.

Se estes dous recursos non son suficientes, neste enlace tedes unha boa selección de bancos de imaxes xa estructurados en categorías (historia, arte, lingua, CCNN, matemáticas, xeoloxía, relixión, música e bancos de imaxes xerais). Engadídeo a favoritos que paga ben a pena!

O sindicato STEG vén de publicar, como cada ano, unidades didácticas sobre o Día Internacional da Muller:


 - unidade para secundaria
 - unidade para infantil e primaria

Por outra banda, na biblioteca estamos a traballar e a preparar unha expo sobre as mulleres no mundo da música, do mesmo xeito que o ano pasado falamos de pintoras e escultoras. Se vos interesa o tema, velaquí varios enlaces moi bos:

 - CEIP de Palmeira (Alma Mahler, Clara Schumann, Hildegard von Bingen, Mercedes Peón, Victoria de los Ángeles)

 -  Compositoras ó longo da historia (IES Gómez Quintana)

 - Varios enlaces interesantes en culturagalega.org

 - Vídeo Feminismo y música (RTVE):

• A la carta
• > Televisión
• > La 2
• > UNED
• > UNED - Feminismo y Música 
•  

Contamos tamén cunha exposición fantástica sobre Hipatia que nos trouxo a profe Mar Cuba.

O STEG ten tamén un calendario do 2012 boísimo titulado "Tempo de mulleres. Mulleres no tempo" do que vos amosamos a folla do mes de marzo:

Dende xa están dispoñibles na biblioteca dous exemplares (primaria e secundaria) do xogo Graduado. É un trivial elaborado (por profesorado valencián) con preguntas sobre os temarios da educación obrigatoria. Para cada nivel hai un grupo de tarxetas distinto, polo que poderíamos xogar con rapaces de varios niveis simultaneamente.

O xogo é un clásico xogo de mesa co seu taboleiro, dados, fichas, etc. Peeeero hai tamén un taboleiro dixital gratuito que se pode descargar e instalar no ordenador para xogar todos xuntos en clase (por exemplo en catro grupos grandes). Podes descargalo e probalo aquí.

Para facervos unha idea do xogo, podedes xogar unha demo en internet.

Web do xogo con máis información.

Gracias ó chivatazo de María, avisámosvos que ata o 20 de abril podemos presentarnos ó concurso de blogues educativos VI Premio Espiral Edublogs. Dentro do concurso hai varias categorías: blogues de profes, de alumnado, de asociacións de pais, de centros, de bibliotecas... A condición principal é que teñan "un marcado carácter pedagóxico, didáctico ou educativo". Tedes as bases aquí, e xa que estamos imos presentarvos algúns dos primeiros premios do ano pasado:


- Blogues de alumnos/as: Aula Oberta
- Blogues colectivos: Poemario colectivo "Poesía eres tú"
- Blogues de biblios escolares: Biblioteca Viva
- Blogues de centro: Our English blog
- Blogues de profes: Recursos para a educación especial

Non cabe dúbida de que as forzas de seguridade teñen como misión protexer a cidadanía. Pero ás veces parece que perden o norte...

El Roto

Por dicilo dun xeito máis poético, imos recurrir a Rafael Alberti: